Posted in Gujarati, my choice, tagged Gujarati, Love, poem, waiting on March 11, 2010| Leave a Comment »
પ્રેમ-સાગર
અશ્રુઓ એની નજરમાં દિવ્ય મૌક્તિક હોય છે,
પ્રેમીઓને મન દુ:ખો પણ પારિતોષક હોય છે.
આત્મને તો આત્મ સમજાવી શકે છે મૌનમાં,
આંતરિક આદેશ લેખિત કે ન મૌખિક હોય છે.
આંખ મળતાં આંખથી અર્પણ કરી બેસે છે ઉર,
ચાહકો સૌંદર્યના સંપૂર્ણ ભાવિક હોય છે.
પ્રેમ-સાગરમાં ભલા શું પૂછવું આધારનું!
નાવ મોજાંઓ અને તોફાન નાવિક હોય છે.
Posted in feelings, Gujarati, Love, tagged feelings, Gujarati, Love, poem on March 11, 2010| Leave a Comment »
Love
પ્રેમ તો ઇશ્વરપણાનો ભાગ છે,
પરમ તત્વે લઇ જતો વૈરાગ છે.
ભાવ થી કરશો ભજન એ થઇ જશે,
માગશે કર્મો છતા એ ત્યાગ છે.
જો બળો તો જન્ન્તોને પામશો,
પ્રેમ તો યગ્નોની પાવક આગ છે.
-Bhushan
Posted in feelings, Gujarati, tagged વિરામ નથી, Gujarati, kavita, poem on March 10, 2010| 1 Comment »
અહીં રહીશું તો ય કેટલું ? – મુકામ નથી !
હે જીવ ! ચાલુ ક્યાં ય આપણો વિરામ નથી !
સહાનુભૂતિ નથી, આશરાનું ધામ નથી;
અહીં તો કોઈના ય દિલમાં વસ્યો રામ નથી !
તમારી માંગ મુજબ લાગણી વહાવું હું ? –
હૃદય છે, કાંઈ આ બજારનું લિલામ નથી !
ખુશી પડે તો મળો, યા ન મળો, આંહીં તો
વિનયનું સૌને નમન, કોઈને સલામ નથી !
ભરોસો કેમ કરું સુસ્ત મારા ભાગ્ય ઉપર;
જરાય એનો સમય પર રહ્યો દમામ નથી !
કહે છે પ્રીત સમો કોઈ નથી આસવ ને
નયના જેવું કોઈ જોરદાર જામ નથી !
હવે જરૂર નથી રંગની કે મસ્તીની
ધરાવી જિન્દગી છે, કલ્પનાનું કામ નથી !
ક્ષિતિજો સ્વચ્છ રહે કેમ કરી જીવનની ? –
અપેક્ષાઓની આ વણઝારનો વિરામ નથી !
Posted in Gujarati, my choice, tagged Gujarati, kavita, poems on March 10, 2010| 1 Comment »
હવે થાકી ગયો સાકી પુરાણા એ સુરાલયથી,
નશો ચડતો નથી મુજને તમારા મ્હેકતા મયથી.
ગગનામાં શું રહેછે ,કોક મારા જેવો દુર્ભાગી,
કોઈ બોલાવતું લાગે છે મુજને એ મહાલયથી.
બધાં દ્રશ્યો અલગ દેખાય છે ,એ ભેદ સાદો છે,
હું દેખું છું વિમાસણમાં,તમે દેખોછો સંશયથી.
મને એ ભેદ લાગેછે દિલાસો આપનારઓ,
તમે મુજ દુર્દશા દેખી રહ્યા છો ખૂબ વિસ્મયથી.
હું જાણી જોઇને મારા કદમ એ જાળમાં મૂકું,
નથી હોતો કોઇ અજ્ઞાત તાર કોઇ આશયથી.
તમે અદ્રશ્ય રહી બાજી રમો ગાફેલ રાખીને,
મહત્તા કોઇની ઘટતી નથી એવા પરાજયથી.
ન મારી આ દશાને પણ ભૂલથી દુર્દશા કહેતા,
ખરીદી પાનખર મોંઘી વસંતો કેરા વિક્રયથી.
જવું છે એક દિ તો આજ ચાલ્યો જાઉં છું મિત્રો,
હું મહેફિલમાં નથી આવ્યો ટકી રહેવાનાં નિશ્ચયથી.
– હરીન્દ્ર દવે
Rujuta's Gujarati Poems 